A “Ruta Solidaria Chantada Contra o Cancro” é unha andaina benéfica, anual e de dificultade baixa para desfrutar en familia. Está organizada pola Asociación Chantada Contra o Cancro en colaboración con outras empresas e colectivos de Chantada. A primeira edición celebrouse no mes de outubro de 2017.

Chantada contra o Cancro é unha asociación do sur de Lugo que dá apoio a pacientes e familiares afectados por esta enfermidade a través de atención psicolóxica, conferencias, obradoiros e actividades coma andainas que promoven unha vida saudable.

A Andaina polo Corazón de Galicia é un evento anual organizado polo Club Atletismo Chantada. O seu percorrido varía anualmente, escollendo lugares senlleiros do noso municipio para cada ocasión.

Grazas a esta iniciativa recupéranse camiños que levaban anos sen ser transitados, mantendo así o seu trazado e uso.

Ao longo do ano o club programará un total de catro andainas con percorridos variables, con formatos e camiños diferentes para o desfrute de todos os asistentes.

Todos os eventos serán publicados con antelación na ligazón do club.

A carreira popular de Chantada ten formato de circuíto urbano circular de 5 km, con dúas opcións de percorrido: unha volta de 5 km ou dúas voltas cun total de 10 km. O trazado ten saída e chegada na céntrica praza do Mercado, ao carón da Casa da Cultura.

Transcorre polo paseo fluvial e polas rúas do centro da vila, predominando ás do seu casco vello.

Este evento deportivo, organizado polo Club de Atletismo de Chantada, ten carácter anual.

A Chantada Wolf Survival Race é unha das citas ineludibles para os corredores das carreiras de obstáculos (OCR). As probas desenvólvense á beira do río Asma, na capital municipal.

Os participantes dispoñen de varias modalidades diferentes, con carreiras que varían en canto á dificultade e distancia.

Os eventos están destinados a todo tipo de corredores, quen porán a proba tanto as súas habilidades como a súa resistencia. Tamén hai un oco para os principiantes e os corredores populares, quen poderán realizar o percorrido.

Este consolidado evento deportivo organizado pola Escudería  Chantada atrae cada ano aos afeccionados ao mundo do motor. A competición forma parte do Campionato de España de Montaña.

A carreira transcorre por un sinuoso trazado en pleno corazón da Ribeira Sacra. O percorrido iníciase á beira do río Miño e, desde alí, ascende entre os característicos viñedos dispostos en bancais ata a capital municipal.

O día previo á competición, os automóbiles dos participantes expóñense na localidade para que o público poida velos.

A Volta a Lugo Master é unha proba federada de ciclismo para categorías master de carácter nacional.

Consta de dúas etapas en liña e unha contra o reloxo individual, que discorren por diversas comarcas da Ribeira Sacra.

Adoita celebrarse o primeiro fin de semana do mes de abril e está organizada polo Club Ciclista Chantadino.

La “Ruta Solidaria Chantada Contra el Cáncer” es una caminata benéfica, anual y de dificultad baja para disfrutar en familia. Está organizada por la Asociación Chantada Contra el Cáncer en colaboración con otras empresas y colectivos de Chantada. La primera edición se celebró en el mes de octubre de 2017.

Chantada contra el Cáncer es una asociación del sur de Lugo que da apoyo a pacientes y familiares afectados por esta enfermedad a través de atención psicológica, conferencias, talleres y actividades como caminatas que promueven una vida saludable.